ShQO-da 400-ge jýyq fashıstiń kózin joıǵan maıdangerdi eske alý sharasy ótti

ÓSKEMEN. QazAqparat - Shyǵys Qazaqstan oblysynda 397 nemisti óltirgen surmergen Tóleýǵalı Ábdibekovti eske alý sharasy ótti, dep habarlaıdy QazAqparat tilshisi.

Tóleýǵalı Ábdibekov 1916 jyly Shyǵys Qazaqstan oblysy Jarma aýdanynda dúnıege kelgen. Bala kúninen ákesimen birge ańǵa shyǵyp, oqty dál tıgizýdiń qyr-syryn ábden meńgergen ol soǵys bastalǵanda ásker qataryna qosyldy. Qandy maıdanda erliktiń eren úlgisin kórsetip, 397 nemistiń kózin joıǵan. Surmergen óz batalonyndaǵy jaýyngerlerdi de mergendikke úıretken.

«Jeńistiń 77 jyldyǵy qarsańynda Tóleýǵalı Ábdibekovti qylmystyq-atqarý júıesiniń qyzmetkerleri bir mınýttyq únsizdikpen eske alyp, jas qyzmetkerlerge batyrdyń erligi týraly baıandaldy. Jastarymyz surapyl soǵysta Otan úshin shaıqastan batyrlaryn bilýi qajet. Búginde Jarma aýdanynda mergenniń eskertkishi bar. Sondaı-aq onyń №2916 nómirli snaıper vıntovkasy Almatydaǵy memlekettik mýzeıde saqtaýly tur», - dedi departament bastyǵynyń orynbasary, ádilet polkovnıgi Ǵalymjan Baltabaev.

Sondaı-aq merekege oraı Óskemen qalasyndaǵy túzetý mekemesiniń qyzmetkerleri soǵysta qaza tapqan batyrlardy bir mınýt únsizdikpen eske alyp, monýmentke gúl shoqtaryn qoıdy. Mekeme qyzmetkerleri kúnnen kúnge sany azaıyp kele jatqan soǵys ardagerleriniń úılerine baryp quttyqtap, syılyqtar berdi.