ShQO-da 40 gradýs aıazǵa baılanysty kólik qozǵalysy shekteldi

ÓSKEMEN. QazAqparat – Shyǵys Qazaqstan oblysynda 40 gradýs aıazǵa baılanysty kólik qozǵalysy shekteldi, dep habarlaıdy QazAqparat tilshisi.

«Qazaqavtojol» JShS Shyǵys Qazaqstan oblystyq fılıaly men «Oblshyǵysjol» JShS málimetine súıensek, óńirde aýa temperatýrasynyń kúrt tómendeýine (-40 gradýs) baılanysty 5 qańtarda saǵat 18:00-den bastap qoǵamdyq kólikter men dızeldik otynmen júretin kólikterge respýblıkalyq jáne oblystyq mańyzy bar tasjoldardyń barlyq ýchaskelerinde júrýge ýaqytsha shekteý engizildi.

Aıta keteıik, oblystyq Tótenshe jaǵdaılar departamentiniń habarlaýynsha, Shyǵys Qazaqstanda qatty aıaz áli birneshe kúnge sozylady.

Budan bólek, QR Indýstrııa jáne ınfraqurylymdyq damý mınıstrliginiń aqparatyna sáıkes, «Almaty-Óskemen» tasjolynyń 558-615 shaqyrymynda, Úsharal qalasy men Shyǵys Qazaqstan oblysynyń shekarasynda, Pavlodar oblysyna qarasty «Omby-Maıqapshaǵaı» tasjolynyń 426-587 shaqyrymynda jáne Kenjekól aýyly men Shyǵys Qazaqstan oblysynyń shekarasynda kólik qozǵalysyna tyıym salyndy.