ShQO-da 4 myń adam jańa AÁK alýǵa ótinish bergen
Oblys ákimdiginde kópbalaly analarmen ótken dóńgelek ústel barysynda AÁK taǵaıyndaý máselesi talqylandy.
ShQO ákiminiń orynbasary Álisher Marhabattyń aıtýynsha, búginde oblystyń barlyq 19 qalalary men aýdandarynda bul járdemaqyny alýǵa 4 myń adam ótinish bergen.
«Turǵyndarǵa ataýly áleýmettik kómek tóleý úshin bıyl 5,4 mıllıard teńge bólindi. Jurtshylyqqa jańa erejelerdi túsindirý úshin aımaq basshysynyń tapsyrmasymen 258 aqparattyq top qurylǵan. Árbir muqtaj janǵa tıisti kómek kórsetiledi. Eń bastysy, týyndaǵan máselelerdi sheshý úshin qazir ózara is-qımyl tetikterin qalyptastyrý qajet» - deıdi ol.
Jıyn barysynda bıylǵy jyldan bastap kópbalaly analarǵa beriletin jańa járdemaqy týraly keńinen túsindirildi.
Esterińizge sala ketsek, osyǵan deıin ShQO-da bıyl 12 myńnan astam otbasy memlekettik járdemaqy alýǵa nıetti ekendigi habarlanǵan bolatyn.