ShQO-da 3600-den astam júkti áıel koronavırýsqa qarsy vaktsına aldy

ÓSKEMEN. QazAqparat – Shyǵys Qazaqstan oblysynda 3600-den astam júkti áıel koronavırýsqa qarsy vaktsına saldyrdy, dep habarlaıdy QazAqparat tilshisi.

ShQO densaýlyq saqtaý basqarmasy baspasóz qyzmetiniń málimetine súıensek, óńirde COVID-19 ınfektsııasyna qarsy amerıkalyq Pfizer vaktsınasyn saldyrý naýqany jalǵasýda.

«Aımaq boıynsha atalǵan ekpeniń birinshi komponentin 106 myńnan astam adam saldyrdy. Onyń ishinde 12-18 jas aralyǵyndaǵy 93 484 bala bar. Olardy vaktsınalaý tek ata-anasynyń ruqsatymen júrgizilýde. Sondaı-aq 3600-den astam júkti jáne 8700-ge jýyq bala emizetin áıel ekpe aldy», - delingen aqparatta.

Budan bólek, oblysta 60 jastan asqan qarttar men medıtsına qyzmetkerleri Pfizer ekpesimen revaktsınatsııadan ótýde.

Qazir osy sanattaǵy 16 000-ǵa taıaý adam úshinshi ret vaktsına alyp otyr.