ShQO-da 300-ge jýyq adam qyzylsha juqtyrdy

<p>Shyǵys Qazaqstan oblysynda 300-ge jýyq adam qyzylsha juqtyrǵan, dep habarlaıdy Kazinform.</p>

ShQO Sanıtarlyq-epıdemıologııalyq baqylaý departamentiniń málimetine súıensek, búgingi tańda óńir boıynsha 278 adam qyzylsha juqtyrǵan. Onyń ishinde 14 jasqa deıingi bala sany – 191. Bul naýqastardyń jalpy sanynyń 68,7 paıyzy.

«Naýqastardyń 61%-y ekpe almaǵan jáne vaktsınatsııa týraly málimetteri joq adamdar. Júrgizilgen epıdemıologııalyq tekserý nátıjesinde qyzylsha juqtyrǵandardyń 13,9%-y Almaty, Atyraý qalalarynda jáne Túrkııa, Tájikstan elderinen kelgeni anyqtaldy. Qarasha aıynan bastap qyzylshaǵa qarsy jappaı ımmýndaý júrgizilýde», - deıdi departament basshysy Qanat Turdıev.

Onyń aıtýynsha, osy ýaqytqa deıin 6-11 aılyq 2815 balaǵa, 2-4 jastaǵy 13 779 balaǵa ekpe salyndy.