ShQO-da 30 myńǵa jýyq pedagog vaktsına aldy
ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, búginde óńirdegi 647 mektepte 198 624 oqýshy bar. 2021-2022 oqý jylynyń bastalýyna oraı bilim berý mekemeleri josparly daıyndyq jumystaryn júrgizgen.
«Barlyq mektep baılanyssyz termometrlermen, bakterıtsıdti shamdarmen, sanıtaızerlermen, dezınfektsııalyq kilemshelermen, maskalarmen jáne dezınfektsııalyq quraldarmen tolyqtaı qamtamasyz etildi. Bilim ordalarynyń 100 paıyzynda «Ashyq» qosymshasy engizilgen. Sondaı-aq oblys boıynsha 29 562 pedagog vaktsına aldy», - delingen aqparatta.
543 mektepte medıtsınalyq kabınet bar. Al osyndaı kabıneti joq aýyl mektepteriniń oqýshylaryna medıtsınalyq pýnktterdiń jáne dárigerlik ambýlatorııalardyń aq halattylary qyzmet kórsetedi.