ShQO-da 3 jasar bala kópqabatty úıdiń terezesinen qulap ketti

<p>ÓSKEMEN. KAZINFORM — Shyǵys Qazaqstan oblysy Altaı aýdanynda bala úshinshi qabattaǵy páterdiń terezesinen qulap ketti.</p>

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa 31 shilde kúni Altaı qalasynda bolǵan. 

«Úsh jasar bala 3 qabattaǵy páterdiń terezesinen qulap ketti. Túrli deńgeıdegi dene jaraqatyn alǵan búldirshin aýrýhanaǵa jatqyzylǵan. Aldyn ala derek boıynsha ol páterde 11 jasar aǵasymen qalǵan. Terezege tek moskıt tory ornatylǵan», — delingen aqparatta. 

Qazirgi ýaqytta oqıǵanyń barlyq mán-jaıy tekserilip jatyr.

Eske salsaq, buǵan deıin Shyǵys Qazaqstan oblysynyń qutqarýshylary bala kópqabatty úıdiń terezesinen qulap ketpes úshin qandaı qaýipsizdik sharalaryn saqtaý kerektigin túsindirgen bolatyn.