ShQO-da 288 myńǵa jýyq adam revaktsınatsııadan ótti
21:50, 10 Aqpan 2022
ÓSKEMEN. QazAqparat – Shyǵys Qazaqstan oblysynda 287 935 adam koronavırýsqa qarsy revaktsınatsııadan ótti, dep habarlaıdy QazAqparat tilshisi.
ShQO Densaýlyq saqtaý basqarmasy baspasóz qyzmetiniń málimetine súıensek, óńirde jasóspirimderge, júkti jáne bala emizetin áıelderge Pfizer ekpesin salý jumystary belsendi júrgizilýde.
«Búgingi tańda atalǵan vaktsınany 190 335 adam aldy. Onyń ishinde 12-18 jas aralyǵyndaǵy bala sany – 170 160. Olardy vaktsınalaý tek ata-anasynyń ruqsatymen júrgizilýde. Sondaı-aq 5275 júkti jáne 14 900 bala emizetin áıel ekpe alǵan», - delingen aqparatta.
Oblysta 60 jastan asqan qarttar men medıtsına qyzmetkerleri úshin Pfizer ekpesimen revaktsınatsııadan ótýge múmkindik bar. Qazir osy sanattaǵy 11 381 adam úshinshi ret vaktsına alyp otyr.
Jalpy aımaq boıynsha qazirde 287 935 adam koronavırýsqa qarsy revaktsınatsııadan ótken.