ShQO-da qar qursaýynda qalǵan avtobýs jolaýshylary qutqaryldy

<p>ÓSKEMEN. KAZINFORM &mdash; Shyǵys Qazaqstan oblysynyń qutqarýshylary boranda qalǵan avtobýsta otyrǵan 23 adamǵa kómekke keldi.</p>

Novosıbırsk qalasynan Óskemenge jolǵa shyqqan avtobýs 9 aqpanda «Óskemen-Shemonaıha-Reseı Federatsııasynyń shekarasy» tasjolynda kele jatqan. Kenet qatty jel men boranǵa baılanysty avtobýs qar quraýynda qalyp qoıdy. Sol jerge ShQO TJD qutqarýshylary men «Qajservıs» JShS tehnıkteri kómekke keldi.

«Avtobýs salonynda 23 jolaýshy boldy, onyń ishinde 5-ýi bala. Jol qyzmetiniń tehnıkasy qardy tazalaýmen aınalysyp, qutqarýshylar kóktaıǵaqpen kúresip jatqanda adamdar avtobýsta kútip otyrdy. Trassanyń bir bóligi ashylǵannan keıin qutqarýshylar men jolshylar tehnıkasynyń jol bastap júrýimen avtobýs shekara beketine jetti», — dep habarlady oblystyq TJD baspasóz qyzmeti.

Sol jerden jedel-qutqarý jasaǵynyń qyzmetkerleri jolaýshylardy «TREKOL» jol talǵamaıtyn kóligimen evakýatsııalap, jaqyn mańdaǵy Shemonaıha qalasyna jetkizdi. Onda jergilikti atqarýshy organ ókilderi ystyq tamaq berdi. 

Azamattardyń bir bóligi týystaryna ornalastyrylsa, basqalary Óskemenge qaraı jolyn jalǵastyrdy.