ShQO-da 2017-2020 jyldary 625 kópbalaly otbasy baspanaly boldy

ÓSKEMEN. QazAqparat – Shyǵys Qazaqstan oblysynda sońǵy 4 jyl ishinde 625 kópbalaly otbasy baspanaly boldy, dep habarlaıdy QazAqparat tilshisi.

Bul týraly halyq aldynda esep bergen ShQO ákimi Danıal Ahmetov aıtty.

«Kópbalaly otbasylar erekshe nazarǵa alynǵan. Óńirimizde kópbalaly januıadan shyqqan oqýshylar tolyqtaı mektep formasymen, aıaq kıimmen jáne ystyq tamaqpen qamtamasyz etilýde. Balalardyń ata-analary balbaqshalarǵa aqy tóleýden bosatylǵan. Al stýdentter bolsa tegin tamaqpen jáne jataqhanamen qamtylyp otyr», - dedi aımaq basshysy.

Onyń aıtýynsha, 2017 jyly turǵyn úı alý kezeginde tirkelgen kópbalaly otbasylar sany bes esege ósken. Sońǵy tórt jyl ishinde aýyldy jerlerde turatyn 1625 kópbalaly otbasy baspanaly boldy.

«Ótken jyly 1049 otbasy, onyń ishinde aýyldaǵy 336 januıa qonys toıyn toılady. Bıyl óńir aýdandarynda jeke ınvestorlardy tarta otyryp, jalpy aýdany 36 myń sharshy metrge jetetin 191 ekipáterli turǵyn úı salý josparlanýda», - dedi Danıal Ahmetov.