ShQO-da 20 jastaǵy jigitten sıntetıkalyq esirtkiniń iri partııasy tárkilendi

<p>ÓSKEMEN. KAZINFORM &ndash; Shyǵys Qazaqstan oblysynyń polıtseıleri 20 jastaǵy jigitten sıntetıkalyq esirtkiniń iri partııasy tárkilendi.</p>

ShQO polıtsııa departamenti baspasóz qyzmetiniń málimetine súıensek, jedel ýákilder esirtki tasymalymen aınalysqan adamdy ustady.

«Kúdiktiniń páterinen polıtsııa qyzmetkerleri tabletkalar men untaq zattar salynǵan birneshe tsellofan paketti tapty. Atap aıtqanda, 960 gramm mefedron, 50 gramnan astam ekstazı, "sol" degen atpen belgili 70 grammnan astam "Alfa-PvP" esirtki zaty tárkilendi. Mefedronnyń bul mólsheri 3200-den astam ólimge ákeletin bir rettik dozany óndirýge jetkilikti», - delingen aqparatta.

Qazirgi ýaqytta esirtkini asa iri mólsherde zańsyz óńdeý, satyp alý, saqtaý, tasymaldaý faktisi boıynsha qylmystyq is qozǵaldy. Kúdikti múlki tárkilenip, 10-nan 15 jylǵa deıingi merzimge bas bostandyǵynan aıyrylýy múmkin.