ShQO-da 141 adamdy aldaǵan erli-zaıypty sottaldy
Qalalyq №2 soty baspasóz qyzmetiniń málimetine súıensek, A. jáne K. esimdi sottalýshylar jıhaz jasaıtyndyqtary týraly Instagram jelisine habarlandyrý jarııalaǵan. Paraqshalarynda jıhazdyń eskızderi men fotosýretterin kórsetip, tapsyrystardy qabyldaý kezindegi shot-faktýralardy jarııa eten. Biraq shyndyǵynda olar jıhaz jasaýmen múlde aınalyspaǵan.
Osylaısha, alaıaqtar 141 adamdy aldap, 40 562 900 teńgeni qaltalaryna basqan. Sot barysynda ekeýi óz kinálaryn tolyqtaı moıyndaǵan. Qaraýlarynda kámeletke tolmaǵan balalarynyń bar ekendigin aıtyp, sýdıadan jeńil jaza taǵaıyndaýdy surady.
«K. esimdi áıel buǵan deıin de alaıaqtyq jasaǵandyǵy úshin sotty bolǵan. Sondyqtan sot úkimimen ol 7 jylǵa bas bostandyǵynan aıyryldy. Al A. esimdi aıyptalýshy 5 jyl merzimge temir torǵa qamaldy. Úkim áli zańdy kúshine engen joq», - delingen aqparatta.