ShQO-da 130 keli balyq aýlaǵan brakoner sottaldy

<p>Shyǵys Qazaqstan oblysynda 130 keli balyqty zańsyz aýlaǵan er adamǵa qatysty sot úkimi shyqty, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Óskemen qalalyq №2 sotynda QR Qylmystyq Kodeksiniń 335-baby (zańsyz balyq aýlaý) boıynsha sot isi qaraldy. Er adam Kúrshim aýdanyndaǵy Ertis ózeninen zańda tyıym salynǵan tordy paıdalanyp, 130,85 keli tuqy balyǵyn aýlaǵan.

Osynyń saldarynan memleketke 880 293 teńge materıaldyq zalal keltirildi. Sottalýshy óz kinásin tolyqtaı moıyndap, sottan bas bostandyǵynan aıyrmaýdy suraǵan.

«Sot sheshimimen kináli dep tanylǵan aıyptalýshyǵa bir jylǵa bas bostandyǵyn shekteý jazasy taǵaıyndaldy. Sondaı-aq ol bes jyl merzimge balyq aýlaý quqyǵynan aıyryldy. Úkim áli zańdy kúshine engen joq», - delingen aqparatta.