ShQO-da 13 balyqshy jaýapqa tartyldy

<p>ÓSKEMEN. KAZINFORM &mdash; Shyǵys Qazaqstan oblysynda muzdaǵy qaýipsizdik erejesin saqtamaǵan 13 balyqshy ákimshilik jaýapkershilikke tartyldy.&nbsp;</p>

Óńir qutqarýshylary sý aıdyndaryndaǵy qaýipsizdik sharalarynyń saqtalýyn qamtamasyz etý jáne qaıǵyly oqıǵalardyń aldyn alý úshin reıdterge shyǵyp jatyr.

Qys mezgiliniń basynan beri barlyǵy 300-den astam reıd ótkizildi. Sonyń barysynda balyqshylarǵa muzdaǵy qaýipsizdik erejeleri túsindirilip, jadynamalar taratyldy. 

— QR ÁQBtK-niń 412-babyn buzǵany 13 balyqshy jáne balasyn muz ústinde qaraýsyz qaldyrǵan 1 ata-ana jaýapqa tartyldy. Osy rette, turǵyndardan qaýipsizdik sharalaryn qatań saqtaýdy suraımyz. Muzǵa shyqqanda qutqarý keýdeshelerin kııýdi umytpańyz. Ata-analar balalaryn esh ýaqytta jalǵyz jibermeýi tıis. Sý qoımalary balalar úshin úshin oınaıtyn jer emes, — deıdi ShQO TJD bastyǵynyń orynbasary Ishar Savazov.

Eske salsaq, osyǵan deıin Balqash kólinde joǵalyp ketken balyqshylar tabylǵany habarlanǵan.