ShQO-da 127 eldi meken seısmıkalyq qaýipti aımaqta ornalasqan
Tótenshe jaǵdaılar departamentiniń málimetinshe, Shyǵys Qazaqstan oblysy seısmıkalyq aımaqqa jatady. Munda jyl saıyn 2-den 6 balǵa deıin jer silkinisi bolyp turady. Sońǵy 10 jylda óńir aýmaǵynda 20-dan astam jer silkinisi tirkelgen. Qurban bolǵandar men qıraǵan ǵımarattar joq.
Oblystaǵy 17 aýdanda (Óskemen, Rıdder, Semeı qalalary, Altaı, Aıagóz, Abaı, Borodýlıha, Glýbokoe, Zaısan, Katonqaraǵaı, Kókpekti, Kúrshim, Tarbaǵataı, Ulan, Úrjar, Shemonaıha, Jarma aýdandary) 127 seısmıkalyq qaýipti eldi meken ornalasqan. Qaýipsizdik maqsatynda jyl saıyn Tótenshe jaǵdaılar jónindegi komıssııa otyrystarynda seısmıka salasyndaǵy máseleler kóteriledi.
«Departament mamandarynyń kómegimen Seısmologııa ınstıtýty 2020-2023 jyldarǵa arnalǵan «Qazaqstannyń oblystary men qalalary aýmaqtarynyń seısmıkalyq qaýiptiligin qazirgi zamanǵy ǵylymı-ádistemelik negizde baǵalaý» atty baǵdarlama qurǵan bolatyn. Osy baǵdarlama sheńberinde el óńirleri úshin, onyń ishinde Shyǵys Qazaqstan oblysynda seısmıkalyq aýdandar kartasyn ázirleý kózdelgen.
Osyǵan baılanysty mamandarymyz «Seısmologııa ınstıtýty» JShS ókilderimen kezdesý ótkizdi. Kezdesý barysynda Shyǵys Qazaqstan oblysynda keń jolaqty seısmodatchıkterdi baqylaıtyn 5 stantsııa orny anyqtaldy. Seısmodatchık – bul jer qozǵalysyn ólshenetin elektrondy sıgnalǵa aınaldyryp, sol arqyly terbelisterdi ólsheý úshin qoldanylatyn qurylǵy», - dedi ShQO TJD bastyǵynyń orynbasary Dmıtrıı Tıtov.