ShQO-da 10 myń jýyq túlek attestat aldy

ÓSKEMEN. QazAqparat - Búgin Shyǵys Qazaqstandaǵy barlyq mektepterde túlekterdiń bitirý keshi ótip jatyr, dep habarlaıdy QazAqparat tilshisi.

Qolǵa attestat alatyn 9740 oqýshynyń 684-i «Altyn belgi» ıegeri atanbaq. Bul byltyrǵy kórsetkishten 130 balaǵa kóp. «Altyn belgi» ıegerleriniń sany jóninen Óskemen qalasy (116)  birinshi orynda tur. Aıagóz aýdanynda 108 oqýshyǵa, Semeı qalasynda 67 oqýshyǵa, Jarmaı aýdanynda 47 túlekke «Altyn belgi» tabystalmaq. 

Úzdik attestat ıegerleriniń sany boıynsha da Óskemen, Semeı qalalary men Aıagóz aýdany kósh bastap tur.

Óskemendegi bitirý keshteriniń shymyldyǵyn oblys ákiminiń orynbasary Ásem Núsipova ashyp berdi. Onyń qolynan birinshi synyptan beri kileń «beske» oqyp shyqqan 24 túlek «Altyn belgi» aldy.

Ásem Núsipovanyń aıtýynsha, bıylǵy oqý jyly óńirdiń daryndy balalary úshin asa jemisti boldy.

«Halyqaralyq jáne respýblıkalyq deńgeıde ótken túrli zııatkerlik jarystardan óńir órenderi 157 medal jeńip alǵan. Shyǵystyń daryndy oqýshylary 10 jyl boıy halyqaralyq jáne respýblıkalyq olımpıadalarda olja salyp keledi. Osy jetistik úshin olar «Úzdik olımpıadalyq komanda» degen ataqqa ıe bolyp otyr. Bıylǵy túlekter úshin respýblıka bıýdjetinen 20 myń grant, oblys ákiminiń 400 granty bólindi» - dedi Ásem Núsipova.

Bitirý keshteri saltanatty vals pen fleshmobqa ulasady dep kútilýde.