ShQO-da 1 myńnan astam aýylda ınternet sapasy jaqsarady

ÓSKEMEN. QazAqparat – Shyǵys Qazaqstan oblysyndaǵy 1 myńnan astam aýylda ınternet sapasy jaqsarady, dep habarlaıdy QazAqparat tilshisi.

ShQO Tsıfrlandyrý jáne arhıvter basqarmasynyń málimetine súıensek, 10 qarashada uıaly baılanys operatorlary ókilderiniń qatysýymen jıyn ótti. Onda 250 jáne odan da kóp turǵyny bar aýyldarda joǵary jyldamdyqty ınternet tartý úshin «250+» baǵdarlamasyn iske asyrý talqylandy.

«Úsh iri uıaly baılanys operatory baǵdarlama sharttarymen kelisip, memorandýmǵa qol qoıdy. Nátıjesinde jalpy sany 600 myń turǵyny bar 1 myńnan astam aýylda ınternet sapasy jaqsarady. Endi oqýshylar men stýdentterdiń esh kedergisiz qashyqtan bilim alýyna múmkindik bolady. Uıaly baılanys ta aqaýsyz jumys isteıdi», - delingen aqparatta.

Sondaı-aq jıyn barysynda ІT jáne tsıfrlandyrý salasynda jańa jumys oryndaryn ashý máselesi talqylandy.