ShQO: Bıylǵy jyldyń І toqsanynda 70 myńǵa jýyq adam AÁK alady

ÓSKEMEN. QazAqparat - ShQO jumyspen qamtý jáne áleýmettik baǵdarlamalardy úılestirý basqarmasynyń basshysy Jasulan Sársebaevtyń aıtýynsha, osy jyldyń alǵashqy 3 aıynda 70 myńǵa jýyq adam AÁK alady dep josparlanyp otyr, dep habarlaıdy Qazaqparat.

Oblys ákimdiginde ótken keńeıtilgen apparat otyrysynda aımaq boıynsha ataýly áleýmettik kómek kórsetý máselesi qaraldy. Qazirgi ýaqytta jumyspen qamtý ortalyqtarynda 4400-den astam adam keńes alyp úlgerse, turǵyndar tarapynan túsken 637 ótinish ýchaskelik komıssııaǵa jiberilgen.

«19 qala men aýdanda 2019 jyly AÁK alǵan, biraq osy jyly atalmysh járdemaqy aıasyna túspeıtin otbasylar arasynda túsindirý jumystaryn júrgizý úshin 258 aqparattyq top quryldy. Búginde oblys boıynsha túsindirý jumystarymen 3581 otbasy qamtylǵan, onyń ishinde 2038 az qamtylǵan jáne 1543 kópbalaly januıa bar», – deıdi Jasulan Sársebaev.

Qańtar aıynyń 5-nen bastap óńirdiń túkpir-túkpirinde ataýly áleýmettik kómek taǵaıyndaý úshin turǵyndardan qujat qabyldanýda. 2020 jyldyń І toqsanynda 70 myńǵa jýyq adamǵa AÁK beriledi dep kózdelip otyr.

Aıta ketsek, ótken jyly oblysymyzda 18500-den astam otbasy, sonyń ishinde 6104 kópbalaly jáne 12400 az qamtylǵan januıarǵa ataýly áleýmettik kómek taǵaıyndalǵan bolatyn.

Avtor: Talǵatjan Muhametbekuly