ShQO balabaqshalary oıynshyqtardy jergilikti kásiporynnan satyp alýy múmkin
«Sońǵy ýaqytta oblys úshin áleýmettik mańyzy bar jobalardy qolǵa alyp jatqandardyń kóbeıgeni qýantady. Máselen, Natalıa Saratova Óskemende ekonomıkalyq taza materıaldardan balabaqshalar men shaǵyn ortalyqtarǵa arnalǵan aqyl-oıdy damytatyn oıyndar men oıynshyqtar óndirisin bastady. Elimizde otandyq oıynshyqtardyń bul baǵyttaǵy túri joq. Sonymen qatar kásiporynda kópbalaly jáne jalǵyzbasty analar da jumys isteıdi. Bilim basqarmasyna jobany zerdeleýdi tapsyrdym. Oblysta 345 balabaqsha bar, eger bul damytý oıyndary balalar úshin qyzyqty jáne tanymdy bolsa, onda biz otandyq óndirýshini qoldaımyz», - dep jazdy aımaq basshysy Instagram jelisindegi paraqshasynda .
Chernobyl AES apat saldaryn joıýǵa qatysýshylar atynan ákimge Baıbatyr Qanjyǵalı júgingen. Búginde oblysta atalmysh sanatqa jatatyn 859 azamat bar.
D.Ahmetov atap ótkendeı, qyrkúıektiń sońyna deıin atalmysh sanattaǵy 100 adam Alakól shıpajaılaryna bıýdjet esebinen emdelýge barady.
«Kýrortologııa ǴZI ǵalymdary júrgizgen balneologııalyq zertteý qorytyndysy Alakól sýynyń shıpaly ekenin rastady. Jumyspen qamtý jáne áleýmettik baǵdarlamalardy úılestirý basqarmasyna ChAES qatysýshylaryn jyl boıy ShQO shıpajaılarynda emdeýmen jáne saýyqtyrýmen qamtýdy tapsyrdym. Alakólde «Alazone Arena« mádenı oıyn-saýyq kesheniniń qurylysy bastalǵan. Bul 3 700 oryndyq ashyq kontserttik alań. Onda halyqaralyq deńgeıdegi festıvaldar men kontsertter ótkizýdi josparlap otyrmyz. Joba ınvestory Arman Ahmetqanov jeke qabyldaý barysynda elektr energııasyn úzdiksiz berý úshin transformatorlar qajettiligin alǵa tartty. Nysandy elektr energııasymen qamtamasyz etý máselesi Úrjar aýdany ákiminiń baqylaýyna tapsyryldy», - dedi aımaq basshysy.