ShQO aýyldaryn sapaly aýyzsýmen qamtý úshin qandaı sharalar atqarylýda

ÓSKEMEN. QazAqparat – Shyǵys Qazaqstan oblysy Katonqaraǵaı aýylynyń birqatar eldi mekenine aýyzsý tartylýda, dep habarlaıdy QazAqparat tilshisi.

Óńirde byltyr jalpy quny 2934,5 mln teńgeni quraıtyn sýmen jabdyqtaý obektilerin salý jáne qaıta jańartý boıynsha 5 joba iske asyrylǵan. Onyń ishinde 4-i Solonovka, Arshaty, Aqsý, Shyńǵystaı aýyldaryna sý qubyryn tartý boıynsha júrgizildi.

«Topqaıyń aýylyndaǵy rekonstrýktsııalaý jumystary 2022 jyly jalǵasady. Sonymen qatar halyq sany 200-den az 3 eldi mekenge blokti-modýldi stantsııa ornatyldy. Al Solonovka jáne Arshaty aýyldaryna sý qubyry salyndy», - dedi «Builder Gold» JShS dırektory Aqjan Aıtmuhambetov.

Aıta keteıik, Solonovka aýyly Katonqaraǵaı aýdanynyń ortalyǵynan 20 shaqyrym, Óskemen qalasynan 323 shaqyrym jerde ornalasqan. Joba aıasynda aýylǵa 11 shaqyrym sý qubyry jelisi tartyldy. Ákimshilik nysandardy da sý qubyryna qosý qarastyrylǵan.