ShQO aýmaǵynyń 70 paıyzynda áli de qar jatyr

<p>ÓSKEMEN. KAZINFORM &ndash; Shyǵys Qazaqstan oblysy aýmaǵynyń 70 paıyzynda áli de qar jatyr.</p>

Óńirdegi sý tasqyny qaýpi bar jerlerge áýeden barlaý jasaldy. Oǵan Shyǵys Qazaqstan oblysy ákiminiń orynbasary Baqytjan Baıahmetov men TJD bastyǵy Erǵalı Bahaev qatysty. 

Óskemen-Glýbokoe-Shemonaıha-Altaı qalasy marshrýtymen bastalǵan tikushaqpen jumys sapary Rıdder-Úlken Naryn-Qatonqaraǵaı aýdany baǵytymen aıaqtaldy. Barlaý barysynda ózenderde muz ashylǵany kórinip, sýdyń jaǵalaýdan shyǵýy baıqalmady. Muz keptelisteri joq jáne jaǵalaý aýmaqtaryn sý baspaǵan.

«Joǵaryda atalǵan aýdandar boıynsha jaǵdaı turaqty. Kóktemgi kezeńde tótenshe jaǵdaılardyń aldyn alý úshin 55 myń dana ydys-qap, 6000 tonnadan astam ınertti materıal, 406 tonna janar-jaǵarmaı daıyndaldy. Tehnıka men motopompalar ázir tur. Evakýatsııalyq pýnktter daıyn. Jalpy oblys boıynsha 368 myńnan astam tekshe metr qar shyǵarylǵan.

Sondaı-aq 448 shaqyrym aryq pen 447 kópir tazartyldy», - dep habarlady TJD baspasóz qyzmetinen.

Áli de oblys aýmaǵyndaǵy qar jabyny 70% -dy qurap otyr.