ShQO aýyldaryndaǵy qoqys polıgondarynyń 90 paıyzy talapqa sáıkes kelmeıdi

<p>Shyǵys Qazaqstan oblysynda ekologııalyq zańnama talaptaryna jáne sanıtarlyq-epıdemıologııalyq normalarǵa sáıkes kelmeıtin polıgon kóp, dep habarlaıdy <a href="Kazinform" target="_blank" rel="noopener">Kazinform</a>.</p>

ShQO mamandandyrylǵan tabıǵat qorǵaý prokýratýrasynyń málimetine súıensek, 2020-2023 jyldary kásiporyndardan atmosferalyq aýaǵa teris áser etý saldarynan keltirilgen 120 mln teńgeden astam zalal óndirildi. 20-dan astam tabıǵat paıdalanýshy ákimshilik jaýapkershilikke tartylǵan.

«Úsh jyl aralyǵynda óńir boıynsha myńnan astam zańsyz polıgon anyqtaldy. Olardyń keıbiri tabıǵat qorǵaý prokýratýrasynyń usynysymen joıyldy. Sondaı-aq ekologııa basqarmasy jergilikti atqarýshy organdardyń 10-nan astam jaýapty qyzmetkerin ákimshilik jaýapkershilikke tartty», - delingen aqparatta.

Búginde aýyldardaǵy qoqys polıgondarynyń 90%-y zań talaptaryna múlde sáıkes kelmeıtin bolyp shyqty.

«Qalǵandary boıynsha jergilikti atqarýshy organdar qaldyqtardy saqtaý úshin jer telimderin berýmen shektelgen. Bul máselelerdiń barlyǵy qala, aýdan ákimdikteriniń, oblys ákimdiginiń nazaryna jetkizilip, prokýratýranyń baqylaýyna alynǵan», - delingen málimette.