ShQO arheologtary «Qazaqstan tarıhy» trılogııasyn jaryqqa shyǵarmaq

ÓSKEMEN. QazAqparat - Shyǵys Qazaqstan oblysynyń arheologtary men ǵalymdary 14 memlekettiń kitaphanalarynda jumys istep, tarıhı qundy derekterdi jınaqtaýdy josparlap otyr, dep habarlaıdy QazAqparat tilshisi.

ShQO ákimi Danıal Ahmetov belgili arheolog-ǵalymdar Zeınolla Samashev jáne Ábdesh Tóleýbaevpen kezdesip, «Qazaqstan tarıhy» trılogııasy jobasyn talqylady.

- Elimizdiń jetekshi tarıhshylary men ǵalymdary Vatıkan, Qytaı, Túrkııa, Reseı, Iran, Ulybrıtanııa syndy 14 eldiń kitaphanalarynda ornalasqan qoljazbalarmen jumys isteıtin bolady. Sondaı-aq «Rýhanı jańǵyrý» baǵdarlamasy aıasynda jınalǵan taldamalyq materıal paıdalanylady. Trılogııanyń bir tomynyń Shyǵys Qazaqstan aýmaǵyndaǵy qazba jumystary barysynda tabylǵan arheologııalyq ashýlar men artefaktilerge arnalǵany qýantady, - dedi aımaq basshysy.

Shejirede ǵalymdar el tarıhy úshin mańyzdy jáne aıtýly oqıǵalarǵa den qoımaq.

- Trılogııadaǵy «Halyq maqtanyshy» taraýy erekshe orynǵa ıe. Onda elimizdiń jetekshi ǵalymdary men qoǵam qaıratkerleriniń ómirinen jańa derekter jarııalanatyn bolady. 2022 jyldyń mamyr aıyna qaraı 2 tomnyń avtory Zeınolla Samashev óz jumysyn aıaqtaıdy. Búgin ol maǵan basylymnyń aldyn ala jasalǵan josparyn usyndy. Trılogııa qazaqstandyqtarǵa tarıhı olqylyqtardyń ornyn toltyrýǵa jáne kóptegen suraqtarǵa jaýap alýǵa kómektesedi dep senemin. Avtorlarǵa mańyzdy tarıhı basylymdy daıyndaý jolynda jemisti jumys pen sáttilik tileımin, - dedi Danıal Ahmetov.