ShQO: Altaı aýdanynyń 4 eldi mekeni aýyz sýmen qamtylmaq

ÓSKEMEN. QazAqparat - Shyǵys Qazaqstanda shalǵaı eldi mekender men shaǵyn aýyldardyń turǵyndaryn taza aýyz sýmen qamtamasyz etý boıynsha josparly jumys júrgizilýde. Atap aıtqanda, Altaı aýdanynda bul máseleni sheshý úshin 42 mln teńge somasyna blokty-modýldik stantsııalar ornatyldy, dep habarlaıdy oblystyq ákimdiktiń baspasóz qyzmeti.

Osylaısha, blokty-modýldi stantsııalardy ornatý nátıjesinde Bogatyrev, Severnoe, Krestovka jáne Novo-Krestıanka eldi mekenderiniń turǵyndary taza aýyz sýǵa qol jetkizip otyr.

«Bul isti qolǵa alǵan merdiger uıym – «Fýzııa» JShS, kelisim-shart somasy 42 mln.teńgeni qurady. Qarajat oblystyq bıýdjetten bólindi. Jumystar belgilengen merzimde aıaqtaldy, stantsııalar paıdalanýǵa berildi», - dep atap ótti Altaı aýdanynyń TKSh, jolaýshylar kóligi, avtomobıl joldary jáne turǵyn úı ınspektsııasy bóliminiń basshysy Rasýl Qarabalınov.

Budan basqa, respýblıkalyq bıýdjet qarajaty esebinen jalpy uzyndyǵy 185 km Altaı qalasynyń (qalanyń ortalyq jáne batys bólikteri) sýmen jabdyqtaý jelilerin rekonstrýktsııalaý boıynsha 2 úlken jobany iske asyrý jalǵastyryldy, bul qalalyq sý qubyry jelileriniń 70%-yn jańartýǵa múmkindik beredi. Sonymen qatar, Severnyı aýyldyq okrýginiń Feklıstovka aýylynda 6,8 km sý qubyry jelileriniń qurylysy boıynsha jumystar sátti júrgizildi.