ShQO ákimi Qasym Qaısenov atyndaǵy áskerı bólimdi aralady
20:20, 06 Mamyr 2024
<p>ÓSKEMEN. KAZINFORM – ShQO ákimi Ermek Kósherbaev QR Qorǵanys mınıstrliginiń Halyq qaharmany Qasym Qaısenov atyndaǵy «27943 áskerı bóliminde» boldy. Bólimdegi ofıtserlermen kezdesip, áskerı tehnıkalarymen tanysyp, dańqty batyr Qasym Qaısenov eskertkishine gúl shoǵyn qoıý saltanatyna qatysty. </p>
Aımaq basshysy óz boryshyn óteýge endi kelgen jas sarbazdarmen tildesti. Sondaı-aq arnaıy jasaq arasyndaǵy qoıan-qolttyq urys sheberleriniń kúresin tamashalady.
- Óńirimizdegi betkeustar qaharmandardyń, Ekinshi dúnıejúzilik soǵys ardagerlerin ardaqtaý, erlikterin dáripteý – bizdiń paryzymyz. Olardyń atyn ǵana emes, jeńis úshin júrip ótken joldaryn da jatqa bilýimiz kerek, - dedi oblys ákimi.
Búgin dál osy áskerı bólimde sonymen qatar Óskemen qalasyndaǵy oqýshylar men stýdentterge arnalǵan ashyq esik kúni ótip jatyr. Іs-shara óskeleń urpaqtyń boıyna patrıotızmdi baýlyp, elimizdegi Otan qorǵaýshylardyń mártebesin arttyrý maqsatynda uıymdastyryldy.