ShQO ákimi saılaýda daýys berdi
Danıal Ahmetov №42 orta mektepte ornalasqan №9 saılaý ýchaskesine baryp, saılaýda daýys berdi.
«Búgin Qazaqstan tarıhyndaǵy taǵy bir aıtýly kún. Saılaý ýchaskesine kelip, óz tańdaýymdy jasadym. Halyqtyń saılaýǵa belsendi qatysyp, turaqtylyq pen beıbitshilik úshin azamattyq ustanymdaryn kórsetip jatqandyqtary qýantady. Shyǵys Qazaqstanda 549 saılaý ýchaskesi jumys istep tur. Onyń ishinde 12 aýmaqtyq, 537 ýchaskelik. Táýelsiz baıqaýshylar da ózine júktelgen mindetti abyroımen atqarýda. Biz birge durys tańdaý jasap, Qazaqstan qarqyndy damyp, ekonomıka men azamattardyń ál-aýqatynyń jaqsara beretinine senimdimin», - dedi aımaq basshysy.
Onyń aıtýynsha, ShQO-da 300-den astam saılaý ýchaskesi erekshe qajettilikteri bar adamdardyń daýys berýi úshin barlyq qajetti quraldarmen jabdyqtalǵan. Turǵyndar úshin saılaý ýchaskelerinde baýyrsaq pen ystyq shaı berilýde. Sondaı-aq saılaýda birinshi ret daýys bergenderge kádesyılar tartý etilýde.