ShQO ákimi «Halıfa Altaı» meshitine Toyota Camry avtokóligin tabys etti
Ákimdiktiń habarlaýynsha, qańtar aıynda óńir bashysy oblystyq meshit jumysymen tanysýǵa bardy. Kezdesý barysynda bas ımam Ermek qajy Muqataı aýdandardy aralaý úshin avtokólik qajet ekenin jetkizgen. Sonda óńir basshysy máseleni sheshýge ýáde berdi.
Búgin aımaq basshysy "Halıfa Altaı" meshitine arnaıy baryp, jańa Toyota Camry avtokóligin tabystady. Danıal Ahmetov kólik alýǵa demeýshilik kórsetken «Óskemen qurylys» kompanııasynyń dırektory Erjan Ysqaqovqa alǵysyn bildirdi.
Sonymen qatar, oblys ákimi bıyl kóktemde meshit ǵımaratynyń astynda ornalasqan kólik turaǵynyń tóbesinen sý aǵýdy toqtatý úshin jóndeý jumystary júrgiziletinin aıtty.
«Oblys ákiminiń baqylaýǵa alǵan taǵy bir máselesi - meshittiń janynan 50-60 oryndyq medrese salý bolatyn. Danıal Ahmetov qalalyq ákimdikke medrese úshin meshit janynan jer bólýdi tapsyrdy. Qazirgi ýaqytta ákimniń tapsyrmasyna oraı jobalyq ınstıtýt medrese ǵımaratynyń jobasy daıyndalýda», - delingen habarlamada.