ShQO ákimi ardagerlerge jarty mıllıon teńgeden syılady

ÓSKEMEN. QazAqparat - Shyǵys Qazaqstan oblysynyń əkimi Danıal Ahmetov Zyrıan qalasynda turatyn eki ardagerdi Jeńis merekesimen quttyqtap, 560 myń teńgeniń sertıfıkattary men led-ekrandy teledıdar tabys etti, dep habarlaıdy QazAqparat tilshisi.

93 jastaǵy Anna Savychkına soǵysqa medbıke retinde qatysqanyn aıtady.

«Kózimizdi ashqaly eńbek etip kelemiz. Əli kúnge deıin kir-qońymdy ózim jýyp alamyn. Nemerelerimdi de solaı úıretkenbiz. Al memleket bergen 500 myń teńgeni óz keregime jumsaımyn. Qazirgi jastar eńbekqor. Kóshede kórse, jasymdy syılap jatady. Sondyqtan, olardy synaı berýge bolmaıdy» - dedi ardager.

Oblys əkimi aǵa býynǵa degen osy qurmettiń bəri Memleket basshysynyń tikeleı tapsyrmasymen júzege asyp jatqanyn atady.

Dəl osyndaı qurmet maıdanger Nıkolaı Stanskıhke de kórsetildi.

«Jýyqta ǵana teledıdarymyz isten shyqqan edi. Sizdiń bul syıyńyz bizge shynymen úlken qýanysh əkeldi» - dedi ardagerdiń jubaıy.

Zyrıan aýdany əkiminiń orynbasary Janna Asqarovanyń aıtýynsha, aýdanda  21 ardager, 61 tyl eńbekkeri bar.

«Soǵys ardagerine teńestirilgen qarttarǵa 120 myń teńgeden ótemaqy berilgen. Ózge tyl eńbekkerleri de eskerýsiz qalmaıdy. Ol úshin aýdan bıýdjetinen 733 myń teńge bóldik» - deıdi Janna Asqarova.