ShQO ákimdiginde órttiń neden shyqqany belgili boldy

ÓSKEMEN. QazAqparat – Shyǵys Qazaqstan oblystyq ákimdigi ǵımaratynda órttiń neden shyqqandyǵy belgili boldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, keshe Óskemen qalasyndaǵy M.Gorkıı kóshesinde ornalasqan ákimdiktiń 5-qabatynda órt shyqqan.

Kóp uzamaı órt sóndirýshiler jalpy aýdany 121 sharshy metrdi quraǵan qyzyl jalyndy tolyqtaı aýyzdyqtap, ary qaraı taralýyna jol bermedi.

«Belgili bolǵandaı, májilis zalyndaǵy eden janǵan. Órttiń shyǵýyna – elektr jabdyqtarynyń apattyq rejımi sebep boldy. Qaza bolǵandar men zardap shekkender joq. Tilsiz jaýmen kúreske jeke quramnan 65 adam men 17 tehnıka jumyldyrylǵan», - dep habarlady vedomstvo ókilderi.

Esterińizge sala ketsek, osyǵan deıin ShQO ákimdigi ǵımaratynda órt shyqqanyn habarlaǵan bolatynbyz.