ShQO ákimdigi men ForteBank strategııalyq yntymaqtastyqty tereńdetýge ýaǵdalasty
Oblys ákimi elimizdegi iri banktiń ókilimen óńirdi odan ári damytý josparyn talqylady. Kezdesýge qatysýshylar ózara yntymaqtastyq týraly memorandýmǵa qol qoıdy.
Bank ókilimen kezdesýde D. Ahmetov óńirge jeke turǵyn úı qurylysyn qarjylandyrý baǵdarlamasynyń qajettiligin atap ótti. Sondaı-aq ol osy baǵytta Eýropalyq qaıta qurý jáne damý bankimen birlesip jańa bastamalardy qolǵa alyp jatqan ForteBank-nyń laıyqty seriktes bola alatyndyǵyna senim bildirdi.
Eki jaqty kelisimge qol qoıylǵannan keıin Óskemen qalasynda bank fılıaly saltanatty túrde ashyldy.
«Búginde banktiń ótimdilik deńgeıi tómengi shekten 7 esege joǵary. Bankke árbir zańdy tulǵadan bastap qarapaıym azamattarǵa deıin senim artady. Kapıtaldyń jetkilikti bolýy boıynsha eń tómengi normatıv tórt esege joǵary. Bir sózben aıtqanda, banktiń jumysy tıimdi jolǵa qoıylǵan, men sizderdi quttyqtaımyn», - dedi ákim saltanatty ashylý rásimindegi sózinde.
Óz kezeginde sóz alǵan Maǵjan Áýezov Óskemen qalasynda jańa zamanaýı fılıaldy ashylýyn mańyzdy sharaǵa teńedi.
Aıta keteıik, ShQO-da atalǵan banktiń qyzmetin 83 myńnan astam qala turǵyny men 6,4 myń kompanııa paıdalandy.