ShQO ákimdigi Alakóldiń 60 gektary qurǵatylatynyn joqqa shyǵardy
Áńgime Facebook-tegi Dáýlet Asanov esimdi qoldanýshynyń jazbasynan týyndaǵan. Ákimdik ókilderi jazba avtory Sý resýrstary komıtetinen shyndyqqa sáıkespeıtin jaýap alǵandyqtan, áleýmettik jelige jalǵan aqparat jarııalaǵan dep otyr.
«Týrızmdi damytýdyń 2025 jylǵa deıingi memlekettik baǵdarlamasy aıasynda Alakól jaǵalaýyn damytý jospary bekitilgen. Jospar boıynsha qurylystyń jańa aımaǵyn qalyptastyrý úshin 60 ga jer ýchaskesin ıgerý josparlanyp otyr. Onyń 23,7 gektary sazdy, batpaqty bolǵandyqtan qurǵatý jumystary júrgiziledi. Erekshe aıtatyn bir jaıt, jobadaǵy qurǵatýǵa jatatyn jer telimi men kóldiń arasy 200 metrden asady. ıAǵnı, kóldiń 60 gektary qurǵatylady degen aqparat shyndyqqa janaspaıdy» - dep jazylǵan resmı aqparatta.
Ákimdik bergen málimet boıynsha, ekolog Dáýlet Asanov oblystyq ákimdikte jaýapty organdarmen kezdesip, Sý resýrstary komıtetinen alǵan jaýaby qate ekenine kóz jetkizgen.
«Jobanyń bastapqyda oılaǵanymnan múldem ózgeshe ekenine kóz jetkizdim. ıAǵnı, onyń sýǵa esh qatysy joq. Biz joba materıalyn qaradyq, jobalyq sheshimderdi kórdik. Bul rette Sý resýrstary jónindegi komıtet tarapynan, aıtalyq, shyndyqqa onsha jaqyn emes aqparat bergeni belgili boldy. Bul jerde kóldiń ózin emes, jaǵalaý bóligin qurǵatý máselesi qaralyp otyr. Ákimdik maǵan búkil jobany zertteýge berýge ýáde berdi, men oǵan rızamyn. Búgin biz bul ýchaskeniń sý qorǵaý beldeýinen tys jerde ornalasqanyn kórdik. Belgilerdi qaradyq, kólge qatysty ýchaskeni 4 metrge kóterý josparlanyp otyrǵanyn estidik. Bul degen, komıtet tarapynan usynylǵan jobadan múldem bólek», - dep otyr Dáýlet Asanov.
Alakóldiń Shyǵys Qazaqstandaǵy bóliginde týrıstik nysandardyń ınfraqurylymyn halyqaralyq standarttarǵa saı etý úshin sońǵy birneshe jylda keshendi jobalar iske asyrylyp jatyr. «ShQO Úrjar aýdany Alakól kóliniń jaǵalaýyna sý burý kanalyn salý arqyly jerdi qurǵatý» jobasy – conyń biri. Búginde jobalyq-smetalyq qujattama memlekettik saraptamadan ótken kórinedi. 2020 jyldyń 28 qyrkúıeginde memlekettik saraptamanyń №06-0238/20 oń qorytyndysyn da alǵan eken. Ákimdiktiń málimetine súıensek, osy joba boıynsha 2019 jyldyń 27 qyrkúıeginde Qabanbaı aýylynda qoǵamdyq tyńdaý da ótkizilgen. ıAǵnı, QR Sý kodeksiniń 125-babynyń talaptary buzylmaǵan dep otyr.
«Jobalanyp otyrǵan qurǵatý ýchaskesi oblys ákiminiń 2019 jylǵy 27 jeltoqsandaǵy № 466 qaýlysymen belgilengen. Qurǵatylatyn aýmaq sý qorǵaý aımaǵy sheginde jáne odan tys ornalasqan. Demek, QR Sý kodeksiniń 125-baby buzylmaǵan. Alakóldiń ózin qurǵatý múmkin emes, bul aqparat shyndyqqa janaspaıdy», - deıdi ShQO Tabıǵı resýrstar jáne tabıǵat paıdalanýdy retteý basqarmasynyń basshysy Murat Qusaıynov.
Onyń bul sózin oblystyq qurylys basqarmasynyń basshysy Áset Súleımenov te rastady.
«Alakóldi eshkim qurǵatqaly jatqan joq. Jaǵalaýynda týrızmdi damytý josparyna sáıkes, belgilengen ýchaskede kóptegen bulaqtar bar. Olardyń naqty baǵyty joq. Saldarynan 23,7 ga aýmaǵy saz ben batpaqqa aınalǵan. Muny jergilikti turǵyndar da, jaqyn mańdaǵy demalys ortalyqtary da jaqsy biledi. Sonyń kesirinen ol jerge olar demalys bazalaryn, tipti qarapaıym oıyn alańdaryn da sala almaı otyr. Osyǵan baılanysty, 2019 jyly Úrjar aýdanynyń ákimdigi joba ázirlep, ony memlekettik saraptamadan ótkizip, oń qorytyndysyn aldy. Tıisti qoǵamdyq tyńdaýlar da ótti», - deıdi Áset Súleımenov.
Qyzý pirikitalas týǵyzǵan joba 3 kezeńnen turady. Birinshi kezeńde batpaqty aımaqty tegisteý úshin 351,50 metr belgisine deıin qıyrshyq tasty shógindilerdiler tógiledi. Ekinshi kezeńde osy aýmaqqa qıyrshyqtas-qum shógindileriniń drenajdyq qabaty quıylady. Úshinshi kezeńde qurǵatý ýchaskesi topyraqpen toltyrylyp, túpkilikti tegisteý júrgiziledi.
«Óńdeletin topyraqtyń jalpy kólemi 578 123 tekshe metrdi quraıdy. Topyraqty tasymaldaıtyn júk kólikteri ýaqytsha joldar arqyly qatynaıtyn bolady. Jobada ol joldardy salý jáne kútip ustaý jaǵy da qarastyrylǵan. Qurǵatylǵan ýchaskege irgeles aýmaqtan ózen-bulaqtardy burý úshin kanaldar qazylady», - deıdi ákimdik ókilderi.