Іshki ister organdary qyzmetkerleri esirtki skrınınginen ótip jatyr

<p>ASTANA. KAZINFORM &ndash; Elimizde ishki ister organdarynyń qyzmetkerleri esirtki qoldaný múmkindigin anyqtaıtyn skrınıng tapsyrdy. Bul týraly Kazinform agenttiginiń saýalyna Іshki ister mınıstrligi joldaǵan jaýapta aıtylǵan.</p>

«QR Úkimetiniń esirtki jáne esirtki bıznesine qarsy 2023-2025 jyldarǵa arnalǵan keshendi kúres jospary sheńberinde ishki ister organdary qyzmetkerleri arasynda narko-skrınıng (esirtki qoldanýdy anyqtaıyn test) júzege asyrylady. Bul qyzmet aqyly, sondyqtan testileýden ótý-ótpeý árkimniń óz erkinde. Degenmen ár qyzmetker óz jaýapkershiligin sezinip, tekserýden ótkeni abzal», - delingen resmı saýal jaýabynda.

Sondaı-aq, aqparatta ІІM qyzmetkerleri úshin esirtki qoldanýdy anyqtaıtyn testileýdi mindetti medıtsınalyq tekseris qataryna engizý máselesi qarastyrylyp jatqany aıtylǵan.

«Búginde jeke quramnyń 82,5%-y esirtkige qarsy skrınıngten ótti. Onyń qorytyndysy boıynsha polıtsııa, Ulttyq ulan jáne qylmystyq atqarý júıesi qyzmetkerleriniń 0,2%-nan oń belgi baıqaldy», - deıdi vedomstvodan.

Sondaı-aq, Іshki ister mınıstrliginen narko-skrınıngten ótken qyzmetkerler jaıly aqparat esh jerde jarııalanbaıtynyn eskertti.