Іshki ister mınıstriniń orynbasary Almaty oblysyndaǵy zorlanǵan egiz qyzdyń jaǵdaıy týraly aıtty

<p>Úkimet otyrysynan keıin ótken baspasóz konferentsııasynda Іshki ister mınıstriniń orynbasary Igor Lepeha Almaty oblysynda zorlanǵan egiz qyzdyń isi qalaı júrip jatqanyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

«Qazirgi tańda 2 adam qamaýǵa alyndy. Qyzdardyń ájesi men ógeı naǵashy atasyn aıtyp otyrmyn. Búginde qylmystyq is qozǵalǵan, tergeý júrip jatyr. Qyzdar medıtsınalyq mekemege jatqyzyldy. Meniń oıymsha, olardyń jaǵdaıy jaman emes», - dedi ІІM ókili.

Igor Lepeha zábir kórgen qyzdarǵa Bala quqyqtaryn qorǵaý jónindegi ýákil baryp, jaǵdaıyn bilgenin aıtty.

«Bul is boıynsha taǵy máseleler bar. Olardy biz qyzmetkerlerimizge qoıyp jatyrmyz. Qazir tekseris júrýde. Onda anyqtalǵan keıbir derekter bar. Ázirshe, bul jaǵdaıǵa túsinik bergim kelmeıdi», - dedi Igor Lepeha.

Buǵan deıin ógeı ákesi zorlaǵan 3 jasar egiz qyzdyń birine ota jasalǵany habarlanǵan edi.

Onyń aldynda Almaty oblysynda kishkentaı qyzdy zorlady degen kúdikpen 40 jastaǵy er adam ustalǵan edi.