Іshki ister mınıstrligi elimizde adamdar kóp jınalatyn nysandardy tekseredi

<p>ASTANA. KAZINFORM &mdash; QR Іshki ister mınıstriniń orynbasary Igor Lepeha kórshiles Reseıde bolǵan teraktiden keıin elimizde adamdar kóp jınalatyn oryndardy tekserý josparyna túsinik berdi.</p>

«Aýdany 500 sharshy metrden asatyn kontsert zaldary, iri saýda ortalyqtary, barlyq bilim berý jáne densaýlyq saqtaý nysandary, ıaǵnı kóp adam jınalatyn nysandar teraktiden qorǵaýdy qajet etetin ǵımart retinde sanalady. Osy nysandardyń barlyǵyn qosymsha tekseremiz. Buryn tekserilip, tıisti nusqaý berilgen bolsa, sol nysandarda baqylaý jumystaryn atqaramyz», - dedi I. Lepeha Senatta tilshiler suraǵyna jaýap bere otyryp.

Sonymen qatar ol sheteldikter úshin daktıloskopııalyq tekserý engizýdiń keıbir nátıjeleri týraly baıandady.

«1 qańtardan bastap elge keletin sheteldikterdiń mindetti daktıloskopııasyn engizgenimizdi bilesizder. Bul talap qazir júzege asyrylyp jatyr. Jyl basynan beri elimizge ótpek bolǵan 10 qylmyskerdi anyqtadyq», - dedi mınıstrdiń orynbasary.