Shızofrenııa dertine shaldyqqan pavlodarlyq turǵynǵa kólik júrgizý kýáligi berilgen

<p>PAVLODAR. KAZINFORM - Azamatqa 2015 jyly paranoıdty shızofrenııa dıagnozy qoıylǵan. QR Densaýlyq saqtaý mınıstrligi bekitken arnaıy tizimge súıensek, bul dertke shaldyqqandarǵa kólik basqarý quqyǵy berilmeıdi.</p>

Pavlodarlyq polıtseıler jergilikti azamattyń júrgizýshi kýáligin jaramsyz dep taný jáne ony kólik júrgizý quqyǵynan aıyrý týraly sotqa talap aryz túsirdi. Sotta qaralǵan is materıaldaryna súıensek, turǵyn 2015 jyldan beri «paranodty shızofrenııa» dertimen aýyratyny anyqtalǵan.

«Er adam kólik júrgizý kýáligin 15 jyl buryn alǵan. Al 2018 jyly V, V1, S, S1 sanatyndaǵy júrgizýshilik kýáligin sátti túrde aýystyryp alǵan», - delinedi is materıaldarynda. 

Ol turaqty túrde em qabyldap otyrǵan. Alaıda zańnama mundaı dıagnoz qoıylǵan azamattardyń kólik aıdaýyna tyıym salady. QR Densaýlyq mınıstrligi bekitken, júrgizýshi kýáligi berilmeıtin arnaıy tizimde «paranoıdty shızofrenııa» dıagnozy da bar.

Sotta medıtsınalyq uıymdardyń ókilderi patsıent jolda qaýipti jaǵdaılar týyndatýy múmkin ekenin dáleldedi.

Sot barlyq dáıektemelerdi nazarǵa ala otyryp, polıtseılerdiń talabyn qanaǵattandyrdy.