ShYU «Týrızm jyly 2023» forýmy Qytaıda ótedi

<p>Shanhaı yntymaqtastyq uıymynyń (ShYU) forýmy — «Týrızm jyly 2023» 23-26 qarashada Qytaıdyń Shyńjań-Uıǵyr avtonomııalyq aýdany (ShUAR) Úrimshi qalasynda ótedi. Bul týraly <a href="Kazinform." target="_blank" rel="noopener">Kazinform</a> tilshisine ShYU Bas hatshysy Chjan Mın aıtty. </p>

Onyń sózinshe, forýmǵa múshe memleketterdiń týrızm ákimshiliginiń basshylary, ShYU-nyń baqylaýshylary men dıalogtyq seriktesteri, halyqaralyq uıymdar, ulttyq týrıstik kompanııalardyń basshylary, bıznes-qaýymdastyq pen BAQ ókilderi qatysady. 

— Pandemııa tek ShYU keńistiginde ǵana emes, búkil álemde týrızm salasyna úlken zııan keltirgeni sózsiz. Sondyqtan búginde búkil álem sııaqty bizdiń aldymyzda týrızmdi jańǵyrtý mindeti tur. Shanhaı yntymaqtastyq uıymyna múshe memleketter 2023 jyldy ShYU-da Týrızm jyly dep jarııalady. Aldaǵy forýmda biz ShYU keńistiginde týrızm salasyndaǵy sharalardy ázirleý men júzege asyrýǵa qatysty máselelerdi kóterýdi josparlap otyrmyz, — dedi Bas hatshy.

Foto: Mýhtor Holdorbekov/ Kazinform

Ol Almaty qalasyna ShYU-nyń 2023-2024 jyldarǵa arnalǵan mádenı jáne týrıstik astanasy mártebesi berilgenin erekshe atap ótti.

— Qazaqstan ShYU-ǵa tóraǵalyq etý aıasynda ShYU keńistiginde týrızmdi damytý boıynsha naqty josparlardy qarastyrdy. Jaqynda Aqtaýda halyqaralyq týrıstik forýmy ótti. Bir sózben aıtqanda, biz týrızmniń jandanýyna senimmen jáne úmitpen qaraımyz, — dedi ol.

Esterińizge sala keteıik, 2023 jyldyń shildesinde Qazaqstan Shanhaı yntymaqtastyq uıymyna tóraǵalyq etý estafetasyn qabyldaǵan bolatyn.