ShYU sammıtine kelgen mártebeli meımandardy qarsy alý rásimi bastaldy

<p>ASTANA. KAZINFORM &ndash; Astanadaǵy Táýelsizdik saraıynda Shanhaı yntymaqtastyq uıymynyń sammıtine qatysýshylardy qarsy alý rásimi bastaldy.</p>

Memleket basshysy Qasym-Jomart Toqaevpen alǵashqy bolyp Úndistan Respýblıkasynyń Syrtqy ister mınıstri Sýbramanıam Djaıshankar qol alysyp, sýretke tústi. Osydan keıin Prezıdent mártebeli meımandy konferentsııa zalyna shyǵaryp saldy.

Qarsy alý rásiminiń sońynda uıymǵa múshe memleketterden kelgen delegatsııalardyń basshylary birlesip sýretke túsedi.

Aıta ketý kerek, Іs-sharaǵa Qazaqstan, Iran, Qytaı, Qyrǵyzstan, Pákistan, Reseı, Tájikstan, Ózbekstan, Belarýs, Mońǵolııa, Ázerbaıjan, Qatar, BAÁ, Túrkııa jáne Túrikmenstan memleketteri men úkimetteriniń basshylary, Úndistan Respýblıkasynyń Syrtqy ister mınıstri, sondaı-aq BUU Bas hatshysy, ShYU Bas hatshysy men ShYU Óńirlik terrorızmge qarsy qurylymynyń atqarýshy dırektory, TMD, EYU, AÓSShK, UQShU, EEK jáne AQIU sııaqty halyqaralyq uıymdardyń basshylary qatysady. 

ShYU sammıti alǵash ret «ShYU-ǵa múshe memleketter basshylary keńesiniń otyrysy» jáne «ShYU+» kezdesýi formatynda ótedi.