ShYU sammıtin ótkizý kezinde Astana áýe keńistigi kúsheıtilgen rejımde kúzetiledi

<p>ASTANA. KAZINFORM - 2024 jylǵy 3-4 shildede Shanhaı yntymaqtastyq uıymy sammıtin ótkizý kezinde Astana qalasynda elordanyń áýe keńistigin kúzetý kúsheıtiletin bolady, dep habarlaıdy QR Qorǵanys mınıstrliginiń baspasóz qyzmeti.</p>

Osyǵan baılanysty 28 maýsym men 1 shilde aralyǵynda Qarýly kúshter avıatsııasynyń ushý qaýipsizdigi erejelerine sáıkes jattyǵý ushýlary ótkiziledi. 

«Astana turǵyndary men qonaqtarynan ótkiziletin is-sharalarǵa túsinistikpen qaraýdy suraımyz»,-delingen habarlamada.

Osyǵan deıin QR ІІM shildeniń 3-4 kúnderi Astanada ShYU sammıtiniń ótýine baılanysty qala syrttan kelýshiler úshin jabyq bolmaıtynyn málimdedi. Sondaı-aq sammıt ótetin kúnderi elorda gornızondy tolyq quramda jumys isteıdi.

Qazaqstan Respýblıkasynyń Memlekettik kúzet qyzmeti Astana turǵyndary men qonaqtaryna 28 maýsymnan bastap elordada ShYU sammıtine daıyndyq aıasynda jekelegen kóshelerde kólikter men jaıaý júrginshiler qozǵalysyna ýaqytsha shekteýler engiziletinin eskertti.