ShYU sammıti qandaı nátıje beredi – sarapshy pikiri

<p>ASTANA. KAZINFORM - Parlamentarızm ınstıtýtynyń atqarýshy dırektory Janar Týlındınova ShYU sammıtin Astanada ótkizýdiń mańyzdylyǵy týraly aıtty.</p>

Sarapshy ShYU sammıtiniń bedeli artyp kele jatqanyn atap ótti. Osyǵan BUU Bas hatshysy Antonıý Gýterrıshtiń Astanaǵa sapary dálel bola alady.

«Bul óz kezeginde ShYU sheshim qabyldaıtyn ortalyqqa aınalyp kele jatqanyn kórsetip otyr. Onyń ishinde geosaıasat salasynda da sheshimder qabyldanady», - dedi J. Týlındınova Kazinform agenttiginiń tilshisine bergen suhbatynda.

Onyń aıtýynsha, resmı kún tártibinen bólek, Qazaqstannyń uıymdaǵy tóraǵalyǵy saýda-ekonomıkalyq baılanystardy, energetıkalyq yntymaqtastyqty, kólik jáne logıstıkany nyǵaıtýǵa erekshe nazar aýdara otyryp ótip jatyr. Sonymen qatar, Sammıttiń beıresmı bóligi, kelissózder, memleket basshylarynyń ekijaqty kezdesýleri úlken ról oınaıdy.

«Osynyń bári ShYU sammıtine erekshe mártebe beredi. Biz qazir bul kezdesýlerdiń árqaısysynyń mazmuny týraly aıta almaımyz, biraq barlyq ózekti máselelerdi memleket basshylary talqylap jatqany anyq», - dedi sarapshy.