ShYU qaýipsiz aýyz sý men sanıtarııany qamtamasyz etýdiń ortaq tásilderin ázirleıdi

<p>Shanhaı yntymaqtastyq uıymy Qazaqstannyń usynysy boıynsha qaýipsiz aýyz sý men sanıtarııany qamtamasyz etýdiń ortaq tásilderin ázirleýge kiristi, dep habarlaıdy <a href="Kazinform" target="_blank" rel="noopener">Kazinform.&nbsp;</a></p>

ShYU-ǵa múshe memleketter qaýipsiz aýyz sý kózderine, qarapaıym sanıtarlyq qyzmetterge jáne salaýatty gıgıenaǵa qoljetimdiliktiń joqtyǵy qazirgi zamannyń kúrdeli máselesi ekenin moıyndaıdy. Osyǵan baılanysty Shanhaı uıymy sý resýrstaryn turaqty damytý men utymdy paıdalanýǵa kóbirek kóńil bólý qajettigin atap ótedi. 

Qazaqstan ShYU tóraǵasy retinde osy másele boıynsha belsendi dıalogty, qarajat pen resýrstardy ońtaıly jáne tıimdi paıdalaný boıynsha birlesken sharalardy ázirleýdi, ozyq tájirıbe almasýdy jáne halyqty aýyz sýdyń sapasy men sanıtarııa qaýipsizdigin qamtamasyz etýge keńinen tartýdy qoldaıdy.

Osyǵan baılanysty qazaqstandyq tarap ShYU-da aýyz sýdyń qaýipsizdigin qamtamasyz etý taqyryby boıynsha atalǵan saladaǵy ózara qolaıly sharalar men sheshimderdi ázirleý úshin kelissózder protsesin bastady.