ShYU hatshylyǵynda uıymǵa múshe memleketterdiń týlary tómen túsirildi

<p>Qaraǵandy oblysyndaǵy Kostenko atyndaǵy shahtada bolǵan apattan kenshilerdiń qaza bolýyna baılanysty jalpyulttyq aza tutý jarııalanǵannan keıin, Shanhaı yntymaqtastyq uıymynyń (ShYU) shtab-páterinde uıymǵa múshe memleketterdiń týlary jartylaı tómen túsirildi, dep habarlaıdy Kazinform.</p>

29 qazan, jeksenbi kúni tańerteń Beıjińde Qazaqstanda qaza tapqan kenshilerdi eske alý maqsatynda ShYU-ǵa múshe memleketterdiń týlaryn túsirý rásimi ótti.

Shanhaı yntymaqtastyq uıymy – Qazaqstan Respýblıkasy, Qytaı Halyq Respýblıkasy, Qyrǵyz Respýblıkasy, Reseı Federatsııasy, Tájikstan Respýblıkasy jáne Ózbekstan Respýblıkasy qurǵan turaqty jumys isteıtin halyqaralyq úkimetaralyq uıym.

2017 jyly Uıymǵa múshe memleket mártebesi Úndistan Respýblıkasy men Pákistan Islam Respýblıkasyna berildi. 2023 jyly Iran da ShYU-ǵa resmı túrde qosyldy.

ShYU-nyń shtab-páteri Beıjińde ornalasqan.