ShYU-ǵa múshe elderdiń sport salasy basshylary Almatyda aǵash otyrǵyzdy
QR Týrızm jáne Sport mınıstrliginiń baspasóz qyzmeti málim etkendeı, kelgen qonaqtar qatarynda ShYU Bas hatshysy Chjan Mın, Qytaı Halyq Respýblıkasynyń dene shynyqtyrý jáne sport jónindegi bas memlekettik basqarmasynyń basshysy, Qytaı Olımpıada komıtetiniń tóraǵasy Gao Chjıdan jáne Reseı federatsııasynyń, Belarýs respýblıkasynyń, Iran ıslam Respýblıkasynyń, Ózbekstan, Tájikstan, Úndistan Respýblıkalarynyń Týrızm jáne sport mınıstrleri men ókilderi bar.
Olımpıadalyq daıarlaý ortalyǵy – TMD-daǵy eń iri sport keshenderiniń biri sanalatyn ınfraqurylym halyqaralyq standarttarǵa saı salynǵan. Sport nysandarynda bir ýaqytta 2300 sportshy shynyǵa alady. Munda sporttyń 23 túri boıynsha olımpıadalyq rezerv pen ulttyq qurama komandalary daıarlanady.
Sondaı-aq is-shara barysynda QR Týrızm jáne sport mınıstri, ShYU-ǵa múshe memleketterdiń dene shynyqtyrý jáne sport salasyna jaýapty basshylary «Olımpıadalyq daıarlaý ortalyǵynyń» aýmaǵynda «Taza Qazaqstan» aktsııasy aıasynda aǵash otyrǵyzý rásimine qatysty.
Vankýverdegi Olımpıada oıyndarynyń kúmis júldegeri Elena Hrýstaleva, ÁCh qola júldegeri jáne Azııa chempıony Mılad Karımı, 2016 jylǵy Olımpıada chempıony Dmıtrıı Balandın, 2000 jylǵy Olımpıada oıyndarynyń chempıondary – Ermahan Ibraımov pen Olga Shıshıgına, sondaı-aq kúmis júldegeri Islam Baıramýkov, 2021 jyly ótken Olımpıada oıyndarynyń qola júldegerleri – Sofıa Berýltseva men Eldos Smetov kelgen qonaqtarǵa sport alańdaryn tanystyryp, erekshelikterin jetkizdi.