ShYU-ǵa múshe elder energetıkany damytýdyń strategııalyq jobasyn kelisti

<p>ASTANA. KAZINFORM &ndash; Astanada Shanhaı Yntymaqtastyq Uıymyna múshe memleketterdiń Energetıka mınıstrleriniń tórtinshi keńesi ótip jatyr.&nbsp;</p>

«Qazaqstannyń tóraǵalyǵymen byltyr qazanda ShYU múshe 12 eldiń ókilderi, baqylaýshylarynyń, hatshylyqtyń qatysýymen energetıkalyq forýmyn ótkizdik. Odan bólek, ShYU-ǵa múshe memleketterdiń belsendi qatysýymen Memleket basshysynyń bastamasy boıynsha usynylǵan Shanhaı Yntymaqtastyq Uıymyna múshe memleketterdiń energetıkalyq yntymaqtastyǵyn damytýdyń 2030 jylǵa deıingi strategııasynyń jobasyn sátti kelistik», - dedi Almasadam Sátqalıev keńes otyrysyn asha otyryp.

Mınıstrdiń aıtýynsha, strategııalyq joba ShYU múshe elderdiń óńirlik energetıkalyq qaýipsizdigin nyǵaıtýǵa baǵyttalǵan. 

«Shanhaı yntymaqtastyq uıymy óziniń múshe memleketteriniń yntymaqtastyǵy úshin biregeı artyqshylyqtarǵa ıe bola otyryp, ózin bedeldi kópjaqty birlestik retinde tanytqanyn atap ótý mańyzdy. Árıne, bul tranzıttik-logıstıkalyq múmkindikter, memleketterdiń geografııalyq baılanysy jáne ekonomıkalardyń ózara tolyqtyrylýymen baılanysty. Bizdiń memleketter álemdik JІÓ-niń shamamen úshten birin, Eýrazııa aýmaǵynyń 60%, álem halqynyń 42%-yn jáne halyqaralyq saýdanyń 15%-dan astamyn quraıdy. Energetıka salasy ShYU-ǵa múshe memleketterdiń iri óndirýshilerdi, tranzıtterdi jáne energııa resýrstaryn tutynýshylardy biriktiretin yntymaqtastyǵynyń mańyzdy aspektisi», - deıdi ol.