ShYU-ǵa múshe Ádilet mınıstrleriniń otyrysy onlaın ótedi

<p>ASTANA. KAZINFORM &ndash; Memleket basshysynyń tapsyrmasyna sáıkes, eldegi sý tasqyny jaǵdaıyna baılanysty ShYU (Shanhaı yntymaqtastyq uıymy) elderi Ádilet mınıstrleriniń 11-shi otyrysy onlaın rejımde ótedi. Bul týraly QR Ádilet mınıstrliginiń resmı ókili Talǵat Ýálı málimdedi.</p>

«Beınekonferentsııaǵa Úndistan, Iran, Qytaı, Qyrǵyzstan, Pákistan, Reseı, Tájikstan jáne Ózbekstannyń Ádilet mınıstrleri qatysady. Bul format quqyqtyq saladaǵy mańyzdy máselelerdi talqylaýǵa jáne halyqaralyq yntymaqtastyqty jalǵastyrýǵa septigin tıgizbek. Sonymen qatar bıýdjet qarajatyn únemdeýge múmkindik beredi», - dedi mınıstrliktiń resmı ókili Talǵat Ýálı.

Aıta keteıik, ShYU-ǵa múshe memleketter Qorǵanys mınıstrleri keńesine qatysýshylar Astanaǵa keldi.