ShYU elderi birlesken ınjınırıngtik hab qurý usynyldy
«ShYU múshe elderdiń ekonomıkalyq yntymaqtastyǵynyń qarjylyq tetikterin pysyqtaýymyz qajet. Byltyr shildede Memleket basshysy 20 jyl ishinde ShYU qamqorlyǵymen birde-bir iri ekonomıkalyq jobany iske asyrý múmkin bolmaǵanyn atap ótti. Jobalyq qyzmetti qarjylyq qoldaý tetikteriniń bolmaýy aıqyn faktor. Osyǵan baılanysty Memleket basshysynyń ShYU óńirlik jobalaryna tikeleı jáne portfeldik ınvestıtsııalardy yntalandyrý platformasy retinde «Astana» halyqaralyq qarjy ortalyǵyn paıdalana otyryp, jeke joba retinde ShYU ınvestıtsııalyq qoryn qurý týraly bastamasy ózekti bolyp otyr», - dedi Raıymbek Batalov elordada ótken ShYU múshe elder ókilderiniń qatysýymen ótken iskerlik keńes otyrysynda.
Osy oraıda, keńes tóraǵasy energetıka, taý-ken metallýrgııa sektory, týrızm, kólik, aýyl sharýashylyǵy taǵy basqa salalardaǵy perspektıvaly jobalarǵa ınvestıtsııalar tartý úshin ShYU iskerlik keńesi ınvestıtsııalyq qorynyń jumys toptarymen ózara is-qımylyn uıymdastyrýdy usyndy.
«Sonymen qatar ShYU múshe elder basshylary 2023 jyly bekitken 2030 jylǵa deıingi ShYU ekonomıkalyq damý strategııasynyń erejelerin iske asyrý maqsatynda ShYU iskerlik keńesiniń qyzmetin jandandyrý boıynsha Qazaqstan bastamashylyq etetin qujatty pysyqtaýdy bastaýdy usynamyn. Biz mýltımodaldy jáne kópfýnktsıonaldy ónerkásiptik klasterler sheńberinde jobalardy iske asyrýǵa járdemdesýimiz qajet jáne ShYU elderinde ǵylym damýynyń joǵary deńgeıin jáne tehnıkalyq mamandardy daıarlaý sapasyn eskere otyryp, birlesken ınjınırıngtik hab qurý múmkindigin qarastyrýdy usynamyn», - deıdi ol.
Buǵan deıin habarlaǵanymyzdaı, Qazaqstannyń ShYU elderimen taýar aınalymy 66 mlrd dollarǵa jetken.
Sondaı-aq, ShYU elderinen byltyr Qazaqstanǵa 4,6 mlrd AQSh dollar kóleminde ınvestıtsııa tartylǵan.