ShYU elderi áli de qaýipti aýrýlardyń oshaǵy bolyp tur – Aqmaral Álnazarova

<p>ASTANA. KAZINFORM &ndash; Densaýlyq saqtaý mınıstri Aqmaral Álnazarova Shanhaı Yntymaqtastyq Uıymyna múshe memleketterdiń densaýlyq saqtaý mınıstrleriniń jetinshi kezdesýinde áriptesterin jahandyq qaterlerge birlesip den qoıýǵa shaqyrdy.</p>

«Shanhaı Yntymaqtastyq uıymy elderi áli de qaýipti aýrýlardyń oshaǵy bolyp qalyp otyr. Aýrýlardyń taralýyn baqylaý, bıologııalyq qaýipsizdikti qamtamasyz etý máseleleri kún ótken saıyn ózekti bolyp barady. Óıtkeni epıdemıologııalyq ahýal kún saıyn qubylyp tur», - dedi mınıstr.

Onyń paıymdaýynsha, atalǵan problemany eńserý úshin uıymǵa múshe elderge birlik kerek.

«ShYU-ǵa múshe memleketterdiń aldynda óńirlik deńgeıdegi áriptestikti nyǵaıtýdyń syn-qaterleri tur. Bul bizdiń jahandyq aýqymdaǵy qaterlerge birlesip den qoıýymyz úshin qajet», - dedi Aqmaral Álnazarova.