ShYU Astana sammıtinde qaralatyn qujattar tizimi bekitildi

<p>ASTANA. KAZINFORM &ndash; Elordada Astanada Shanhaı yntymaqtastyq uıymyna múshe memleketter Syrtqy ister mınıstrleriniń otyrysy aıaqtaldy. ShYU Bas hatshysy Chjan Mın BAQ ókilderine málimdeme jasady.</p>

«Búgingi kezdesýdiń negizgi mindetteriniń biri - bıyl shildede Qazaqstanda ótetin Astana sammıtine keshendi daıyndalý. Oǵan múshe memleketter kóshbasshylarynyń qaraýyna shyǵarylatyn taqyryptar men qujattardyń tizbesi bekitildi. Onyń ishinde ShYU-ǵa múshe memleketter basshylarynyń Astana deklaratsııasynyń jobalary, ShYU-nyń «Ádil beıbitshilik úshin álemdik birlik týraly» bastamasy, ShYU-nyń seriktesterimen dıalog boıynsha ózara is-qımyldy damytý jónindegi jol kartasy, basqa da birqatar qujat bar», - dedi Chjan Mın. 

Bas hatshynyń aıtýynsha, búgingi otyrysta basqa elder men áriptestik halyqaralyq qurylymdar arasynda ShYU-nyń tartymdylyǵy men oń ımıdjin aıǵaqtaıtyn uıymdy keńeıtý protsesine erekshe nazar aýdarylǵan. 

Foto: Vıktor Fedıýnın/Kazinform

«Belarýs Respýblıkasynyń Syrtqy ister mınıstri S. F. Aleınıktiń qatysýymen Belarýs Respýblıkasyn ShYU-ǵa qabyldaý rásimin qarastyrdyq. Sonymen qatar, otyrys barysynda taraptar ShYU qyzmetin jetildirý máselelerin, atap aıtqanda, ShYU organdarynyń jańa jaǵdaıda jumys isteý tıimdiligin arttyrý máselelerin talqylady», - deıdi ol. 

Búgin Astanada ShYU-ǵa múshe memleketter syrtqy ister mınıstrleri keńesiniń otyrysy ótti. 

Foto: Vıktor Fedıýnın/Kazinform