Shyńǵys Rıahanov Abaı oblysynyń qurylys basqarmasynyń basshysy bolyp taǵaıyndaldy

<p>SEMEI. KAZINFORM - Abaı oblysynyń qurylys basqarmasynyń basshysy bolyp Shyńǵys Rıahanov taǵaıyndaldy. Bul týraly Abaı oblysy ákimdiginiń baspasóz qyzmeti habarlady.&nbsp;</p>

Shyńǵys Nurtasuly Rıahanov 1979 jyly 25 jeltoqsanda Abaı oblysy Abaı aýdany Qaraýyl aýylynda dúnıege kelgen.

Óskemen qalasyndaǵy Shyǵys Qazaqstan memlekettik ýnıversıtetin «Qoldanbaly matematıka jáne ınformatıka» mamandyǵy boıynsha, Qaraǵandy memlekettik tehnıkalyq ýnıversıtetin «Qurylys materıaldaryn, buıymdaryn jáne konstrýktsııalaryn óndirý» mamandyǵy boıynsha bitirdi. «Bolashaq» baǵdarlamasy boıynsha Mıchıgan ýnıversıtetiniń magıstranty, tehnıkalyq ǵylymdar magıstri.

Eńbek jolyn 2000 jyly Shyǵys Qazaqstan memlekettik ýnıversıtetiniń matematıkalyq modeldeý jáne kompıýterlik tehnıka kafedrasynyń taǵylymger-oqytýshysy bolyp bastady.

2001-2002 jyldary Qazaqstan Respýblıkasy Memlekettik qupııalardy qorǵaý jónindegi agenttiginiń jetekshi mamany.

2002-2003 jyldary Qazaqstan Respýblıkasynyń Premer-Mınıstri Keńsesiniń Memlekettik qupııalardy qorǵaý jónindegi bóliminiń referenti.

2009-2010 jyldary «Saryarqa» ÁÁK» UK» AQ bıznes-jobalar departamentiniń dırektory.

2010-2011 jyldary «Nazarbaev zııatkerlik mektepteri» DBBU basqarýshy dırektory.

2011-2017 jyldary «Salynyp jatqan Nazarbaev zııatkerlik mektepteri dırektsııasy» JM, dırektordyń orynbasary, dırektor.

2018 jyldan 2024 jyldyń 11 maýsymyna deıin kásipkerlik salasynda qyzmet etti.