«Shyńǵys han: mońǵoldar álemdi qalaı ózgertti» kórmesin 200 myńnan astam adam tamashalady

<p>ASTANA. KAZINFORM &ndash; Mońǵolııanyń Mádenıet mınıstrligi mádenıet salasyn damytý, kópjaqty yntymaqtastyq jáne Mońǵolııanyń mádenı murasyn álemge tanymal etý maqsatynda kóptegen eldermen yntymaqtastyq ornatty. Bul jumys aıasynda Mońǵolııa murajaılaryn damytýǵa jáne sheteldik mýzeılermen yntymaqtastyq ornatýǵa, ózara tájirıbeni zerdeleýge jáne birlesken jobalardy júzege asyrýǵa erekshe kóńil bólinip otyr, dep jazady <a href="https://www.montsame.mn/ru/read/335517" target="_blank" rel="noopener">MONTsAME</a> aqparat agenttigi.</p>

Osy baǵyttaǵy jumystardyń biri qazir Frantsııanyń Nant qalasynda ótip jatqan «Shyńǵys han: mońǵoldar álemdi qalaı ózgertti» atty kórme boldy. Kórmeni bıyl Mońǵolııa men AQSh-ta, 2025 jyly Shveıtsarııada tanystyrý josparlanýda.

Búgingi kúnge deıin kórmeni 200 myńnan astam adam tamashalaǵan.

Eldiń Mádenıet mınıstri Ch.Nomın Shveıtsarııanyń Rıtberg murajaıy dırektorynyń orynbasary Iohannes Beltspen kezdesip, bul kórmeni 2025 jyly Shveıtsarııada jalǵastyrý jáne mýzeı salasyndaǵy yntymaqtastyq máselelerin talqylady.

Foto: montsame.mn

Kezdesý barysynda taraptar mýzeıdiń ekskýrsııa jetekshilerin, tálimgerler men sýretshileriniń biliktiligin arttyrý jáne birlesken jobalardy júzege asyrýdaǵy yntymaqtastyq máselelerin talqylady.

Sondaı-aq tarıhı arheologııalyq oljalardyń, ulttyq kıimderdiń birlesken kórmelerin uıymdastyrý jáne kópjyldyq yntymaqtastyq máseleleri de qozǵaldy.

Nant qalasyndaǵy «Shyńǵys han: mońǵoldar álemdi qalaı ózgertti» kórmesi 2024 jyldyń 5 mamyryna deıin jalǵasady.