Shyńǵys Árinov: Tasqyn bolǵan aımaqtar apat saldaryna daıyn bolmaı shyqty

<p>ASTANA. KAZINFORM &ndash; Tótenshe jaǵdaılar mınıstri Shyńǵys Árinov Úkimet otyrysynda tasqyn bolǵan aımaqtardyń apat saldaryna daıyn bolmaı shyqqany jumystardy qıyndatqanyn málim etti.</p>

«Aqtóbe, Aqmola jáne Soltústik Qazaqstan oblystaryndaǵy ózenderdiń arnasynan asyp tasýyna baılanysty Qorǵanys mınıstrliginiń ponton kópirlerin ornatý talap etildi, bul halyqty der kezinde evakýatsııalaýdy, azyq-túlik pen dári-dármek jetkizýdi qamtamasyz etý múmkindigin berdi.

Zardap shekken aımaqtardyń tasqyn sýdyń kólemi men olardyń saldaryna daıyn emestigi ańǵaryldy, ondaǵy birlesken is-qımyldardy uıymdastyrý men úılestirý álsiz júrgizildi», - dedi mınıstr. 

Sondaı-aq, ol mınıstrlik kúshimen gýmanıtarlyq júkterdi jetkizý, elektr qýatymen jabdyqtaýdy jáne kólik qatynasyn qalpyna keltirý máseleleri jedel sheshildi dep esepteıtinin aıtady.

«Apatpen aıanbaı táýlik boıy kúresken qarapaıym jaýyngerler men qutqarýshylardyń arqasynda adam ólimine jol berilmeı, bes júzden astam eldi meken sý basýdan aman qaldy», - dedi Shyńǵys Árinov.